 |
| 相片連結 |
阿女又飛, 近來頻頻出trip我就忙到死, 兩頭咁跑要照顧貓B起居飮食, 又要照顧兩隻豬仔, 有D索氣!
雖然勁忙, 每日時間分配得好緊逼, 但仍抽空同兩隻豬仔出去, 行吓吸吓外間空氣, 佢哋會開心D, 就算星期日工人姐姐放假我都一拖二, 推住車仔出去, 佢哋應該都好滿意!
不過星期日出外街上真係人多, 下次我要多加留意, 唔想達達咁激動, 每每有途人趨前逗佢, 佢就發脾氣😱, 大大聲吠好勞氣; 佢越惡死D途人就越話佢好得意, 我真係怕咗佢個心仔頂唔住!
 |
| 佢就發脾氣啦! |
呢個女越來越刁蠻, 因為佢有心雜音我就住佢, 我越順佢意佢就越放肆, 惡性循環唔係好事, 但我又唔太敢逆佢意😖!
以後都係假期唔出去, 希望平平靜靜咁行吓, 唔想佢咁刺激!
 |
| 好警戒咁望住人哋! |
日常要做嘅我唔會忘記, 幫波波改善關節惡化, 每日鼓勵佢做適量運動要勤力D, 雖然關節移位唔做手術加固唔可以斷尾, 但強化後腿肌肉做保護仍可為之!
漸漸發覺努力下, 練習強化肌肉時, 佢後腿筋腱明顯較之前有拉扯力, 下次要問吓R哥哥仲有乜嘢輔助運動可以幫到佢, 可以試試升級做多D!
雖然波波同以前未出事時行走仲係有距離, 但總算叫做有正常行動, 係行得慢D嗟, 如果可以一直咁樣維持住, 我心足滿意喇; 鍛鍊肌肉嘅運動會繼續落去, 個仔年紀唔細, 如果可以繼續有進步就當係bonus😌!
毎日如常做艾灸, 個仔真係超鍾意😁👍, 對身體有改善固然歡喜, 最難得佢咁relaxed!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
