相信剛送別親愛毛孩嘅你, 心中一定疼痛難當, 即使做咗無數心理建設, 明白自然定律, 但心中仍有一塊特別柔軟嘅地方, 稍為觸碰都會令你感受椎心之痛.....
波波離開咗40日喇, 我如常生活, 行住一般正常軌道, 如常照顧住達達, 但波波仍係沉甸甸咁壓喺心中, 任何有關嘅觸動會即時淚目, 任何人嘅一句問候都會立刻眼紅紅, 深夜聽歌, 更傷心悲痛, 正如呢句, "初聞不知曲中意, 再聽已是曲中人" 好貼切嘅形容!
 |
| 達達胃口好難捉摸到😓 |
身在外國嘅姐姐最怕我會情緒抑鬱, 佢哋一向知道我鍚波波鍚到燶, 叫我不妨做個大喊十喊餐懵, "It is sad but warm to vent out emotion. Crying also helps a lot"
可以喊係一個好嘅宣洩渠道, 我愛上深夜等全家人瞓晒, 一個人靜靜聽歌, 流住眼淚釋放心中嘅苦!
最近好多麻煩事, 洗衣機壞喉又滲水, 最煩係天花滴水, 一次又一次管理處上門原因都搵唔到, 依家要等食環處駕到, 希望可以將問題解決到; 非常麻煩嘅瑣碎事, 沒完沒了出出入入, 換咗往日我會好苦惱, 但相比起生命嘅流逝, 呢啲真係微不足道, 更煩嘅事都可以修補, 學習放慢腳步!
但生命, 無take two.....
 |
| mp4-蝴蝶 |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
