親愛嘅豆b, 直到今日, 你離開咗我4年喇, 離別嘅週年, 今年有啲特別, 因為波b細佬都上咗彩虹橋, 你哋相聚了嗎？相處得好嗎? 無論以前點鬥嘴、打交, 無媽媽喺身邊嘅日子, 一定要相親相愛, 互相關照!
波波性格唔似你咁灑脫, 佢怕事又緊張, 家姐你要幫媽媽對佢多加照料!
波波走咗一個月, 我叫自己要振作、要釋懷, 好多人話沉淪喺悲傷係病態, 時間耐咗就會忘記晒....
人係好健忘, 時間係可以幫助淡忘, 但失去嘅感覺唔會消失, 刻骨嘅愛都唔會遺忘!
豆b, 即使你已離開咗1460日, 我都從未無忘記你嘅古靈精怪!
 |
| 要乖, 要和和氣氣互相扶持 |
其實, 呢個世界上根本無不帶傷嘅人, 我亦好清楚真正可以治愈自己嘅亦只有自己, 我已經好積極好努力每日虔誠頌經文, 當專注嘅時候確實可以平靜片刻, 只係, 仍有好多好多失落嘅時間....
呢段期間, 會不由自主回憶同你哋一齊生活嘅好多片段, 記起我一話去街街, 你兩姊弟就會開心圍住架車仔兩頭跑, 達達就企到老遠翻白眼!
回憶從內部溫暖你,
同時也會從內部劇烈的切割你！
——— 村上春樹 { 海邊的卡夫卡 }
 |
| mp4不棄不離 |
網上睇過一段話:「宇宙多麼努力的安排我們走到彼此面前, 所以千萬不要因為心臟痛痛的忘記了, 愛才是我們相遇的目的!」
媽媽點可能忘記你哋? 我亦相信你哋唔會忘記媽媽, 我好期待重逢嘅剎那, 但當日子未到時, 可否同細佬返來探吓媽媽? 舒緩一下我嘅牽掛!
 |
| Thank you, my beloved twins💕 |
唔知幾時開始, 喺不經意間, 染上咗熬夜嘅習慣; 波波離開後, 我愛上咗喺深夜時戴上headphone靜靜聽歌, 聽咗好多好好聽嘅歌, 忍唔住用嚟做咗一個又一個視頻, 都係感情舒發嘅一種吧; 然後傻傻咁發呆一直到夜深, 理性知道係時候要上床, 但又眼光光唔想合上眼; 心裡面總係有所期待, 但又唔肯定有乜嘢要期待, 一種朦朧迷糊嘅感覺, 每個深夜都偷襲!
或者, 深夜時間係最難捱過刻骨嘅想念, 原來, 傷心一直都在從來無離開, 祇係我無勇氣再面對, 選擇唔面對吧!
 |
| 夜深喇, 媽媽剛為你哋播放咗柔和嘅lullaby, 你哋要乖乖好好瞓覺！ |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
