一轉眼波波已經離開咗我6個星期, 豆b離開嘅呢四年時間流逝快如閃電, 而我嘅好朋友亦離開咗快滿週年, 但佢哋鮮明嘅形象仍活生生喺眼前, 我係幾咁希望佢哋生活喺另一邊嘅地平線, 祇係暫時無暇見面, 想見時仍可以抽空相見....
 |
| mp4-There you'll be |
所有的深情, 原來是由許多細碎的時光一一串成的, 就像一串亮着迷濛微光的小燈泡, 靜靜地俯伏在腳邊, 照亮着我們彼此相依相伴的身影.
當時只道是尋常, 直到一天, 燈火已闌珊, 我們才發現, 那些尋常日子是多麼美好的祝福. -張小嫻-
呢段傷心沈澱嘅日子, 感恩有好多領悟, 亦感受到家人嘅關心, 見到阿女無聲嘅支持, 默默化為行動, 見我深夜聽歌, 去買比我一個新嘅無線headphone, 佢話輕身啲音色幾好, 戴住較舒服; 老公亦對我夜瞓無干涉, 當然佢自己心情都唔會好, 佢哋都明白要比我自己慢慢調節復原速度; 當然無人會刻意沈溺喺悲傷中, 祇係強扭嘅瓜唔甜, 祇可以順其自然!
所有過往, 只可想起但無法挽留, 即使腳步趔趄, 依然被時間推住向前走, 唔可以減慢或者停留, 就係咁帶住回憶前進....
要學識珍惜所有!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
