 |
| 相片連結 |
豆b無小食引誘就成日走咗開去, 波波又笑容欠奉, 剩番達達雖然唔敢走開, 但個樣又好無奈, 要影呢類主題相片, 我都開始無耐性!
每次set好佈景, 如果遇啱佢哋不在狀態, 都被逼繼續落去草草完成, 唔想從新又攪一大餐啦; 雖然睇落簡單, 但要一箱箱道具拎出嚟揀, 影完又要執一餐, 我都攰到骨頭快散喇; 如果3隻豬仔仲唔合作, 仲要不停咁氹住話乖乖, 要影到有feel係好難 :(
反而琴日帶咗佢哋出去, 隨便亂影一餐, 佢哋個樣又開心晒, 可能耐咗無出去啦; 其實呢幾年屋苑佈置都全無新意, 重覆又重覆咁用D舊裝飾, 佈置得敷衍了事, 但.....點解今年我都好似有相同敷衍心態?
可能自己近來有太多事煩, 影響心情啦!
琴日3隻豬心情好好笑吟吟, 雖然每次都有街坊圍觀攪到波波嘈生晒, 猶幸大家唔介意啦, 有個婆婆仲話記得佢哋戴住太陽鏡好型仔㗎 :)
已經立秋都仲咁熱, 同豆b出去真係有D麻煩, 已經比佢坐車唔落地行, 距離地面溫度都好咗啦, 但佢都係呼吸得好急又伸長晒脷, 我真係有D驚㗎; 一路都幫佢噴水又餵佢飲水, 豆b點解好似比以前仲差 :(
已經book 咗下星期同豆b再驗血, 希望得到嘅係好消息啦!
波波呢個神經質一出門口就吠啦, 無論大人細路見人就吠, 我真係買佢怕; 好彩回程時已經習慣, 無再吠喇; 都係太耐無出去會緊張, 最多天氣轉涼出多D去好喇!
最叻女係達達, 明顯開心啦, 興緻好高兩頭望, 佢真係進步好多啊!
雖然近排係比較忙, 但都會盡量抽時間同佢哋出去行吓, 希望佢哋開心D啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
