 |
| 相片連結 |
近來比較忙, 加拿大嘅姐妹們番咗香港, 多咗出外, 變相少咗時間留喺屋企, 有時間就要張羅吓慣常做嘅事啦; 除咗人忙心都忙, 個心好唔安定, 我呢個人就係一心不能二用, 有其它他嘢要諗連做正常事都無心情!
 |
| 好大風啊！ |
琴日無出去聚會, 決定同3隻豬出去行吓, 好想帶佢哋出多D去, 大家調較吓心情; 雖然風球除下, 但仍好大風, 吹到3隻豬毛毛亂晒, 不過就有溫和嘅陽光曬吓, 伴隨住風吹都幾舒服啦!
波波一貫咁緊張, 風吹郁塊樹葉都吠親飽, 仲要緊緊盯住成日在戒備狀態; 我都唔知應該同佢出去定比佢做宅男, 唔識點抉擇!
 |
| 波波盯住塊樹葉好緊張 |
我唔想加重佢心理負擔, 如果出去令佢咁神經緊張似乎唔係好嘅選擇, 但佢又似乎好鍾意出去, 每次準備架車佢都興奮到跳跳扎; 每次出去都係模式相同, 一開始咩都吠一餐, 但回程又好似將壓力釋放晒, 比較放鬆唔會再吠, 咁我應該點做先係啱? 可能真係太耐無出去要等佢慢慢適應番啦!
但我就盡量避開同其他狗狗有接觸, 所以都停留喺屋苑裡面行, 等佢習慣外界唔再咁緊張先出街啦!
達達好叻女, 出去好開心啊, 達達豬真係開竅喇, 雖然佢都係唔接受其他人逗佢玩, 但正常咁逛佢好自得其樂啦!
我都係覺得豆b無以前咁八卦, 咁唔係好事, 但佢飲食生活作息都正常, 我搵唔到有偏差; 尤幸佢見到架車仔出動都係反應熱烈, 琴日個傻妹仲心急到自己爬咗上車下面個儲物籃 :)
希望唔係我多心敏感啦, 我唔應該再自己嚇自己喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
