 |
| 相片連結 |
琴日見天陰陰無咁熱, 仲未落雨快手捉緊時間, 同佢哋著住冰涼衣落樓下玩; 3隻豬好耐無出外面落地行喇, 因為配合到時間, 樓下無咩人又好靜, 就放佢哋落地玩一陣間啦!
3隻豬仔都好開心, 兩頭跑, 我同工人姐姐要把守住, 局限於一個框框, 唔比佢哋跑咁遠喇; 達達起初落地唔敢行, 見波波同豆b兩頭跑, 就好似隻曱甴咁慢慢爬近波波身邊, 挨住波波行喇, 見到佢咁樣真係幾好笑㗎!
達達熱身後行得唔錯, 不過我有比花藥幫助, 因為太耐無出去, 都怕佢信心不足啦; 幸好3隻豬對外界反應唔錯, 玩得幾開心啊!
.JPG)
今日要帶豆b去驗血喇, 除咗覆驗alb仲會驗埋胰臟炎, 雖然我一直見唔到豆b有呢個病嘅徵兆, 但佢曾經有過脂肪瘤, 為求安心都係驗一驗啦; 豆b好可憐啊, 一放上醫生檯就苦晒口面, 要姑娘姐姐幫佢按摩住添; Dr.H幫豆b聽心肺都正常, 無雜聲好清澈, 但氣管就好多嘰嘰咕咕聲, 無辦法喇認命算!
血檢報告結果係無胰臟炎, 而alb比上次高番少少, 但要再高0.1先算達標; Dr.H話無再下跌而有升高就唔使擔心, 佢肝腎胰臟驗血報告都正常, 搵唔到原因就觀察住先, 有病徵再算!
點解我D豬隻隻都有不明原因嘅健康問題㗎??
豆b番屋企精神晒, 離開診所表現係兩個樣啦, 死纏爛打要同波波玩, 我發覺除咗食嘢時間, 波波係怕咗豆b㗎, 煩到佢好似要叫救命啦 :)
 |
| 相片連結 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
