 |
| 相片連結 |
近日遇到好多麻煩事, 盡量將心態調較, 自己都覺得輕鬆咗; 嘗試對每件事要求降低, 盡量做到態度平和, 明白激氣無幫助, 要做錯嘅都係會做錯, 錯咗唔開心又奈何?
將要求降低, 接受事情發生咗, 原來真係比較好過 :)
自己檢討, 可能我真係要求過高, 自己處事太認真, 可能已經過時咗, "若要人似我, 除非兩個我" :)
希望可以做到待人以寬, 律己以嚴, 盡量去做, 但我好清楚骨子裏"我 .....仍然係我"!
暫且將麻煩事放埋一邊, 叠埋心水準備3隻豬仔嘅生日會好過 :)
講吓講吓日子係咁過, 今年咁啱正日係星期6, 唔使提前押後, 一家人都可以就啱時間, 喺正日同3隻豬仔慶祝; 同3隻豬仔沖番個涼, 靚靚咁過8歲生日!
往年從cake shop訂蛋糕, 比錢就攪掂, 做成點都無可奈何; 今年自己去做, 要求就高咗, 我一向都係一個有要求嘅人, 成日都希望達到完美效果 (雖然知道係無可能:p), 但要我張張就就, 得過且過, 嗰個就唔係我 ;)
剛剛講緊要求降低, 好矛盾啊, 哈哈; 對自己, 難D囉!
今年做cupcake嘅裝飾攪到我頭都大, 用咗好多方法都攪唔掂D水彩, 一掃面油就化晒 :(
即使最後Mi幫我訂咗啞色甲油, 效果都唔好, 我投降喇!
不過睇番今次嘅手功, 又覺得幾唔錯, 可能自己熟識3隻豬, 做得佢哋個樣都唔太差, 我好滿意喇 :)
今年要就住豆b嘅身體健康, 全選低脂嘅肉類做點心, 會用袋鼠肉, 鴕鳥肉, 鹿肉, 雞胸肉同魚去做; 豆b食咗好耐雞肉同魚肉喇, 生日食少少其他嘅肉, 稍微放縱 :)
然後就要驗血, 希望今次個report良好!
多謝Mi送比3隻豬嘅生日禮物, 玉牌寫住:"一生平安"好有意思, 今年過年又有新衫影相喇 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
