 |
| 相片連結 |
3隻豬生日會後不足一個月, 又到安安嘅忌辰, 每諗起安安, 都會掠過一陣心痛, 對佢實在有虧欠感!
未養3寶嘅時候, 只得安安一個, 真係萬千寵愛在一身, 接咗3寶番嚟, 關注即刻降溫, 但安安並無怨恨, 係咪性格真係天生?
越諗起安安嘅大方, 就越覺自己難辭其咎, 點解安安可以全無妒忌, 仲每日都笑面迎人?
 |
| 要向豁達嘅安安學習, 時刻保持心情愉快 |
如果換轉呢3隻豬, 就又會話心理不平衡, 要唔係妒忌打交, 就係匿埋唔開心啦; 回想安安咁貼心, 我真係好幸運, 只係當時自己眼盲心都盲, 實在有偏心; 所以每諗起安安, 心裡面都有歉疚, 尤其比較起呢3隻豬仔, 明顯體會到佢哋性格係有好大區分!
安安, 媽媽當日真係身在福中不知福, 有你其實太幸運, 你嘅付出媽媽理所當然咁接受, 仲以為自己已經係一視同仁; 點解當日我無諗3寶番嚟你原本有嘅會被分薄? 點解我無從你嘅角度去諗?
 |
| 安安同後來加入嘅3寶相處融洽 |
不過我知道安安好豁達, 你一直都開開心心, 同3寶相處融洽, 甚至後來都仁慈對待豆豆, 波波同達達呢3隻小魔怪!
 |
| 安安同3隻豬仔, 佢離開前嘅20日仲好精神! |
安安, 媽媽真係好想好想再比你一個擁抱, 你要乖乖等我, 那日再重逢!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
