 |
| 相片連結 |
祝3隻寶貝豬生日快樂, 最最重要身體健康!
琴日就開始張羅, 準備3隻豬今日嘅生日, 做幾款點心; 將各種肉類分開攪碎, 一樣樣分類, 係咁攪攪拌拌, 都用咗好耐時間, 企足大半日, 真係攰到我頭都暈; 從來都唔鍾意烹飪, 唔係為咗3隻豬仔, 唔好玩喇!
今年做咗幾款點心, 我覺得狗狗食肉類更為適合, 唔想佢食咁多餅食, 所以只做咗一個小小南瓜乳酪cupcake, 意思意思有個生日蛋糕啦!
今年做嘅點心有鴕鳥肉薯茸、 雞軟骨蔬菜肉丸、 杞子燕麥魚塊、 仲有牛肝鹿肉, 希望3隻豬鍾意啦!
終於用上我花咗好多心機做嘅cupcake裝飾, 效果都算理想, 做到咁樣我已經好滿足, 當然無得同專業嘅比較喇 :)
今年較多事忙, 本來無心情攪咁多嘢, 但我唔想將習慣改動; 仍堅持每年都影過節相, 唔想其中一年一片空白!
狗狗一生只得十數年, 佢哋都行咗一半喇, 以後嘅每年必定比之前一年更為珍貴, 更家要用相片留下珍貴嘅記憶啦!
 |
| 3隻豬仔慶中秋 |
今年同中秋只係兩日之差, 方便D慶祝埋中秋喇, 背景同cupcake裝飾嘅主題都做到同中秋有關 :)
慶中秋當然要月餅啦, 今日一齊做埋; 仍然係用番薯做皮, 個餡就用咗袋鼠肉!
今年買咗兩種番薯, 因為過去有經驗有D係質地太濕並唔適合, 但今次仍然係失敗, 壓圖案後甩模超難, 還好最後都算做到啦!早兩個月就已經緊緊張張, 又做手功又畫背景, 然後諗做咩食物....
咁快....就成為過去喇!
時間真係過得快, 雖然係老生常談, 但真係要學習睇化; 珍惜大家相處嘅日子, 珍視相聚嘅緣份, 要珍惜眼前人!
祝願3隻豬仔好運常降臨, 即使身體有毛病都逢凶化吉, 生活得快樂開心!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
