 |
| 相片連結 |
雖然天氣仍嫌熱, 但見佢哋出去咁開心, 都係要同佢哋出去行吓, 坐住車週圍望吓都好, 最多將時間縮短啦; 真係無出去頗長時間喇, 雖然自己都有出街, 但每次都有目的來去匆匆心掛掛, 同帶住佢哋出去散步心情有好大分別, 係無咗嗰份悠閒, 今次再同佢哋一齊出去行, 感覺好似放監 :)
帶同3隻豬去水族管睇魚, 都好耐無去喇, 裏面比較涼爽無咁熱, 適合豆b啦!
達達表現興趣最大, 睇到眼仔碌碌頭仔郁嚟郁去, 真係無選錯地方喇!
達達明顯同之前差別大, 心情有好轉, 對外界有反應啦!
反觀豆b就差過之前, 見佢今日坐車仔都唔爭住坐前面, 就知佢對睇魚魚無興趣喇; 希望都仲係因為天氣熱, 影響咗佢呼吸, 條氣唔順先會咁樣, 千萬唔好再攪D新嘢嚟嚇我啊!
波波呢個仔, 每樣嘢都係3分鐘熱度, 耐性麻麻; 幸好呢度好靜, 唔會有刺激令佢緊張, 所以無吠啦; 雖然佢唔似達達咁enjoyed, 但都無嘈嘈閉騷擾, 算理想喇!
天色又開始差, 好似又快落雨喇, 今日行程就此作罷, 要趕快番屋企喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
