2016年元旦, 祝大家一切順利, 身體健康!
琴日達達出咗小意外, 撞傷鼻仔, 今日check過傷勢, 發覺一邊鼻孔大咗, 應該係撞腫咗個鼻, 仲多咗鼻水, 睇見咁我真係心痛到死!
講真佢撞到見血都無可能完全無事, 還好第一時間有順勢療劑可以幫佢, 不至於又要撲出去見獸醫; 都要比時間佢康復, 心急無好處!
不過我琴日都係騰雞, 唔夠冷靜處理, 順勢療劑只比咗infection同injury, 就忘記咗佢應該痛死; 鼻係狗狗最脆弱嘅器官, 如果受重傷可以至死嘛!
內疚又肉赤, 今日先記起比止痛藥, 累達達豬痛咗一日, 真係該死!
琴晚同Mi傾起呢個家居意外問題, 佢提議我仿效人哋湊BB, 將傢俬包上防撞膠條嚟保護D豬仔, 真係一言驚醒咗我!
又要好多謝A關心, 佢話喺FB見唔到我出新年post, 心諗我有可能又出事, 就去睇我blog, 呢個好朋友好細心啊!
講起將椅腳包膠, 佢比咗好多意見我, 夜嗎嗎仲幫我上網搜尋合適物料, 搵個最好方案; 琴晚除夕夜, 就分別同Mi、A猛上網搵呢D :(
琴日真係比達達嚇到我無晒心機, 但有好朋友嘅support, 就比較好過, 多謝你哋!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
