 |
| 相片連結 |
雖然今年嘅復活節我真係無咩心機, 完全對影主題相無晒興趣, 但一諗起豆b嘅病, 往後一齊過復活節都唔知可以有幾多次, 會唔會今次係最後一次都無人知!
唉! 就抖起精神做個簡單佈置~
狗狗真係人類嘅老師, 用自身教育我哋有困難要積極面對, 更要珍惜每個相聚嘅日子, 緣份帶領我哋相遇, 但總會有日要分離!
從確診豆b肝腎功能日漸衰退, 我每日都調較自己嘅情緒, 由拒絕接受到今日可以漸漸面對!
豆b輕咗0.1kg, 以一隻咁細嘅狗狗, 5個星期輕咗咁多當然唔係好事, 佢仍然唔肯自己進食, 我每日都將食物打糊去餵佢, 只要佢肯吞落去我已經於願足矣!
佢胃口會變差我可預知, 連心愛嘅餅餅都唔係一定吸引到佢, 有時餵到入口都會吐返出嚟, 唯有嘗試轉吓口味, 睇吓是否OK啦!
又要研究吓邊種食材適合佢, 見到黑芝麻係補腎, 即刻叫老公買返嚟, 諗住拎比BC下次整餅餅加落去!
豆b瘦咗, 連我都陪埋佢, 5星期落嚟我都瘦咗3kg, 我忙D係OK, 只求佢嘅生活品質可以保持住; 幸好隻豆暫時精神尚可, 我就唔再諗落去喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
