要嚟嘅始終要嚟, 要面對嘅係逃避唔到, 上天有個時間表, 你係一定要跟住去做!
要處理波波牙齒問題, 我逃避又逃避, 好驚面對要麻醉, 九仟幾樣擔心; 擔心氣管收縮佢透唔到氣, 又擔心麻醉令佢腎功能加速衰退…
一直自欺欺人, 拎住之前醫生講嘅金句做聖旨, 未去到生死攸關嘅時刻, 避免麻醉, 可以拖就暫時擱置!
波波前晚食嘢後開始用手扒口, 狀甚痛苦, 去到呢個時候我係唔可以再唔理!
現實豈會盡如人意, 上天要再比我考驗, 我只好接受, 盡力做好佢!
無錯咁情況佢係無生命危險, 但我唔可以任由佢受苦再拖延, 每次見佢食嘢甚至飲啖水都掙扎, 我點可以視而不見?
一直抱住宗旨, 要比佢哋活得有生活質素為首要, 而最基本飲食都會令佢痛苦而逃避, 咁痛苦嘅生活何來幸福可言?
狗狗食嘢係佢哋開心事, 咁都要咁辛苦, 生活仲有乜意思?
我今次一定要堅定將問題解決, 而唯一可以做嘅係幫佢搵間設備完善嘅獸醫院!
琴日一早就請Dr.F將波波病歷fax過VSH, 諗住比波波喺間全港最top嘅醫院做麻醉, 應該會減低風險!
好可惜, 接到專科醫院嘅回覆, 佢哋並無牙科, 呢個case幫唔到我哋😓!
好徬徨, 突然覺得前路茫茫, 我要搵邊個醫生幫佢?
我唔想匆忙下亂衝亂撞, 一定要考慮週詳!
茫無頭緒下突然記起有缐上問診, 醫生會解答幫忙比建議方案; 即刻將波波病歷emailed比醫生, V醫生好快回覆, 比好詳細分析, 建議咗要做嘅程序, 我聽完後就比較有信心面對狀況!
與其亂打亂撞去搵未睇過嘅醫生, 不如請Dr.F幫忙; 已經決定請Dr.F幫波波, 我會信任佢做得妥當!
我亦再問V醫生有關波波腎功能, 佢話照報告估計應該有50%衰退喇, 好多動物驗血時先反咉到腎衰竭情況出嚟, 嗰時已經70-80%功能失去.
波波情況未係最壞, 血檢腎功能未見異常, 好好保養係可以保住生活正常! 好多謝V醫生詳細解答我所有提問, 好慶幸有呢種缐上問診, 好感激有無條件樂於助人嘅醫生!
http://www.j-vet.com/online-consultation-tc.html
24號平安夜, 一早會帶波波做麻醉處理好牙齒問題, 多謝Dr. F為波波做配套, 亦無唔耐煩我呢個緊張媽媽多多要求, 主動提供特別照顧, 務求減低波波嘅緊張突發氣管收縮!
做咗咁多準備功夫, 於平安夜波波一定平安可保, 謝謝大家請為波波祝禱😘！
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
