 |
| 達達代替咗豆b, 陪住波波身邊企喺廚房門前等食! 相片連結 |
老老實實, 我自己都唔著重所謂慶祝, 都係喺平淡嘅日子加D色彩點綴，有個題目一家聚埋食餐開開心心； 但今年豆b走咗, 我都無咩心情, 今日都唔會開心, 今日係豬豆七七, 佢走咗足有49日喇😥!
 |
| 企喺廚房門口等食, 一直祇會係呢對twins! |
屋企少咗豬豆分別好大, 兩隻豬唔知點解性格變晒?!
波波變得好黐身, 時時要坐喺我身邊, 要我摸頭捏面; 達達就變到好膽大, 可以行出地磚, 行到廚房門口前面!
佢哋兩個嘅行為舉止完全係copy咗豆b嘅模式, 叫我好難唔信豆b曾經同佢哋傳過訊息, 巧合會咁啱? 會喺豆b離開咗呢個時間?
 |
| 你哋一定有通過消息, 豆b叫兩隻豬代替佢安慰媽媽, 做同樣嘅事 :') |
一切都好玄妙, 我以前唔信嘅都好似因豆b呢次比咗我新體驗, 宇宙之大, 太多嘢係超乎我嘅經驗, 今後我唔會否定任何非異所思嘅事物, 我無可能每樣事件都有體驗, 唔見唔代表一定係詐騙!
咁當然要理性去嘗試分辨, 唔係變咗迷信一族就會想當然 😜, 但我一定唔會再執拗人家離奇嘅親身體驗!
 |
| 波波以前唔要上梳化, 依家要同達達一齊黐喺我身邊 ! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
