我係好珍惜每個星期日留喺屋企嘅時間, 工人姐姐放咗假, 無咗好多嘈雜聲, 屋企好靜我感覺好悠閒!
開住Dog Calming Music比兩隻豬仔聽, 放咗佢哋上大床, 佢哋好乖乖瞓覺, 因為靜, 佢哋瞓得好熟好香甜啦; 我就坐喺佢哋身邊睇吓書, 或者行遠兩步坐書檯前面, 上網搵吓料, 好好享受一週一度嘅安靜體驗😌!
真係學海無涯, 養咗呢幾隻豬後, 有咗動力為佢哋不斷鑽研新資料, 當然係學識用電腦上網最為重要!
從不同網站取料, 去學習行為訓練(雖然我好失敗), 營養煮食, 希望佢哋食得天然, 最重要係自己可以控制用料; 然後開始留意週邊嘅相關事物, 越睇得多資料, 越偏向用天然物料!
屋企清潔已經絕少用化學清潔劑, 洗碗洗衫都改用環酵, 清潔地下就用steamer, 間中加用白醋抹吓, 已經好足夠喇; 豬仔沖涼就用milky spa, 減少用shampoo嘅次數, 雖然我揀選shampoo都好小心, 都一定係天然成分, 但用少D更簡化; 跟住後期嘅醫療用藥, 我越來越偏向用天然療法, 咁當然傳統醫藥係唔可以撇離, 但呢個priority會係我最後嘅選擇, 最主要目的都係想豬仔們活得健康D啦!
用咁天然嘅原料洗衫, 就唔怕接觸到化學物質導致敏感啦, 我哋同豬仔都受惠喇😃!
 |
| Link: Soap Nuts / Soap Berries - Certified Organic NaturOli Hand-sort "Select" Seedless |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
