終於可以放下心頭大石, 放下壓喺肩上嘅千斤重擔, 波波已成功洗牙, 仲脫咗9隻爛牙仔啊😂!
今日一早帶波波去動物診所, 真係下定決心要攪好佢嘅牙仔喇, 雖然麻醉對佢有高風險, 佢氣管太敏感啦; 但佢牙痛得厲害我係無得揀, 見佢痛到牙較震曬, 要速戰速決喇!
即使耳畔響起之前幾位醫生嘅忠告, 未到生命猶關避免麻醉, 我都把心一橫, 唔再急轉彎!
好多謝CAU動物診所Dr. F, 每一件細微事都為波波諗一個週長計劃, 務求做到零風險啦; 今早帶波波見佢, 佢好詳細講解一切程序, 已經做到咁盡, 再要有事真係意外, 無得怨喇!
 |
| 一直手抱住吊水 |
詳細情況唔多講, 但我就抱住波波由9:30am一直留喺診所, 直到6:00pm, 為嘅係免除波波見唔到我會緊張, 引起氣管收窄!
今日呢9個鐘, 我無飲水, 無食飯, 亦無去洗手間, 真係一刻都無離開波波視線範圍, 只係除咗佢喺手術室內洗牙時間, 我在門外standby!
留咁耐係想吊水稍長時間, 等麻醉藥快D消散, 減低對肝腎嘅損害啦!
 |
| 臨走前入籠比醫生檢查 |
今日洗牙拔除咗9隻爛牙仔😢, 整個過程好完滿, 波波嘅表現都要讚 🙂!
真係好好好多謝Dr. F, 仲有其他幫忙嘅醫生護士團隊, 每一位都愛心爆棚; 文字好難形容我嘅感激, 事實呢個問題已經困擾咗我好耐時間!
 |
| 返到屋企即刻瞓覺, 稍夜已精神返 |
 |
| 始終插過喉, 氣管都係唔得, 咳到卡卡聲, 要聞氣喇! |
平安夜, 我可以平平安安咁帶波波返屋企, 係一份最貼心嘅聖誕禮物啊!
已經夜深, 踏入聖誕日, 祝福大家都有一個快樂聖誕!
 |
| 相片連結 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
