達達胃口差, 食得好挑剔啊, 呢隻豬又無牙, 一向都係將食材打爛, 菜同肉打成肉醬等佢容易消化; 但近來佢胃口有變化!
唔覺佢無飲食意欲, 但佢行埋個碗, 只係食空氣啦, 見佢猛舔, 但完全唔接觸到食物, 咁攪法我好驚嘛!
呢隻豬好惡死, 唔可以強迫餵食, 就算可以force feed都係大問題啦, 身體無事點會需要餵呀?
越諗越唔妥, 即刻約見醫生, 星期六一早比醫生check吓!
我好驚佢腦退化, 但咁短時間無理由變得咁差, 呢個病應該係漸進式老化, 雖然佢個腦仔麻麻, 但都唔會突然咁大變化嘛!
3月中先做咗body check, 驗血驗尿都OK吖, 短短 4個月時間到底邊度發生問題呀?
佢唔係完全唔食, 但要適口性佳, 今晚試用椰子油炒香肉肉, 佢好比面食晒!
不過都係見一見醫生, 聽聽專業意見, 唔敢耽誤時間!
希望只係小問題, 外來因素影響到佢胃口差啦!
近排發生乜事呀?!
之前S媽媽, 再到好友Ka,今日又再有兩位網友狗狗離世, 週圍好似比低氣壓矓罩😢!
我都唔知可以用咩言語安慰, 呢種痛, 講咩都無用, 但願日子有功, 可以漸漸撫平傷痛啦!
祝願狗狗一路好走, 離苦得樂, Rest in Peace🙏🌷🌈!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
