整個星期無寫blog, 都真係心情唔好,兩隻豬表現都反反覆覆; 波波幾日前可能肚仔痛, poo poo尾段有D潺, 攪到胃口全無, 幸好有slippery elm第一時間修復黏膜, 保護腸道, 呢兩日算係食得幾好!
達達反而最令我擔心, 佢鼻仔濕濕呢段日子, 我每日比佢聞氣, 阿女密密reiki, 佢已經再無乞嚏, 但佢腦退化情況好似比之前嚴重, 我好驚面對佢好快會失去咗腦傳導能力; 腦退化呢個病真係好恐怖, 即使身體健康良好, 但會慢慢無飲食意慾, 吞嚥唔到, 網上見到以下描述, 有咁嘅病好痛苦😭!
"患上腦退化後四肢不再平衡 無方向感 情緒出現問題 最後連最簡單的進食都辦不到 牠想吃 但嚥不下 !"
達達成日呱呱叫, 都唔知佢想點, 情況已經持續咗好一段時間, 還幸佢唔係不停叫!
我已經帶佢見過老師做reiki, 佢應該無再頭暈頭痛, 但退化呢樣都係唔通; 阿女都有做reiki比佢更多energy, 亦睇咗獸醫, 一直有用藥用supplement保養住, 但效果唔好😓!
早兩日見佢猛轉圈, 以為佢要尿尿, 佢轉到唔停我怕佢會虛脫; 好驚佢block咗尿道, 又怕佢係便祕痾唔到😱!
幫佢check過膀胱唔脹, 再用探熱針探吓有無塞住poo poo, 係無便便阻住通道!
咁意味住佢腦退化比之前嚴重, 雖然目前仲未有日夜顛倒, 但食得唔好, 亦預咗會一路退步, 我仲可以點做😖!
真係好頹喪, 但今日接到個消息仲心傷!
我嘅好朋友好戰友Ka, 佢嘅愛兒今日奔往彩虹橋上, 前後都只係一星期嘅事, 一週前仲係健康正常!
呢一星期每日都有互通消息, 我都心情低落, 明明手術後情況幾好, 點解要誘發其他病灶😢!
已經盡量去做好, 但時間要到真係無得商討!
HH, 其實你已經好叻仔做得好好, 咁多年一關一關咁過, 因為有愛鍚你嘅媽媽, 永無放棄做得嘅都去做, 為咗你學習不同嘅科目, 所有動力都係因為想幫你活得更舒服!
今日你選擇離開要上新嘅路途, 一定會活得更好, 我知你係唔想媽媽再辛苦!
HH, 一路好走, 去搵豆b再玩過!
 |
| 兩個彩虹橋上嘅小天使 Video |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
