 |
| 相片連結 |
知道波波鍾意去街街, 都一直堅持每晚帶佢出去喇, 不過有時會放佢落地行, 有時就坐車仔算喇, 視乎當時情況啦!
今日又帶咗波波見老師, 要做靈氣治療幫吓喇, 第一句就問老師, 到底波波眼仔仲睇唔睇到㗎?
老師話唔使擔心, 佢睇嘢係矇, 但仲係睇到嘅!
然後老師安慰, 就算狗狗睇唔到都唔係天大問題, 最重要係嗅覺好啦!
咁我都知正常狗狗嘅視力都唔係好好, 佢哋靠嗅覺聽覺同感覺為前步, 不過講到失去視力感覺當然唔好, 好無奈行到呢步😞, 依家祇希望維持住有限視力, 轉差嘅情況拖得越耐越好啦!
自從波波眼仔睇得唔好, 佢又升級咗緊張程度, 所以之前見醫生連驗血都做唔到, 為咗怕佢會抗拒去老師度, 又再請Ka傳心, 問問個仔嘅意願, 老師都話如果波波唔想, 就唔好勉強帶佢去做!
波波無反對我帶佢去見老師, 都話老師同佢做個頭仔後會舒服, 咁我就放心一於帶佢去老師度😊; 為咗令佢更有安全感, 今日帶備私家床墊鋪床, 等佢聞到自己氣味較好, 為咗個仔我盡量做得週到啦!
果然今次做得啱, 波波上咗治療床, 聞咗兩聞就lied down, 放心咁比老師幫佢做, 不過佢頭仔唔好, 做頭仔期間有唔舒服, 都有想走佬, 要一路同佢解釋做完就好😉!
波波做完係即刻見到進步, 返到屋企午餐肯自己食, 都行得好好! !
呢幾日我見佢行得唔太好, 請老師幫佢做檢查, 原來佢脚仔痛, 陰功!
返到屋企的確見佢有唔同, 表情好放鬆, 連眼仔聚焦都較好, Reiki嘅力量真係唔到我唔信😂!
陳老師教室出咗慈善月曆, 全部得益用作幫助流浪動物, 希望大家響應善舉, 為流浪動物出一份心; 12位生命小鬥士我寶貝波波都有份㗎😬!
先多謝支持購買, 感謝大家嘅善心愛心😄, 我呼籲純為可憐嘅流浪動物, 購買詳情收益運用等等, 請直接聯絡陳老師靈氣教室!
https://www.facebook.com/mschanreikiclassroom/
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
