 |
| 相片連結 |
波波唔使見老師, 因為老師要出門旅行, 但琴晚接到佢嘅whatsapp, 話旅途中都會抽出時間, 幫波波做兩次遙距治療啊; 佢叫我唔好咁擔心, 話會錄音教導阿女點去幫隻豬仔, 然後叫我匯報治療前後狀況, 佢會因應改變去調整, 務求得到最好效果!
好多謝老師鼓勵我, 要我懷住正念, 我哋一定可以幫波波最少搶返一隻眼仔, 波波往後一定會如常開心快樂咁生活😀; 大家如果有睇緊呢個blog, 可以都比正能量, 比祝福波波嗎? 多謝大家!
既然老師教咗阿女, 咁我想老友Ka都幫吓我, 為咗個仔, 厚住面皮請求都要喇!
同Ka講咗情況, 佢好爽快話加入幫波波, 佢話之前做慈善治療做飛蚊症有好好成果, 佢會集中波波眼仔晶體發功啊!
佢做完話我知波波有一隻眼可能仲有機會救到, 未去到盲, 盡量試做喎!
然後阿女話佢都有做咗, 亦比咗老師report; 有咁多人咁鍚波波, 大家都二話不說咁幫我, 好似成個小組會診, 令我既感激又感動, 無論今次成果好壞, 我都已經好感恩有過大家嘅盡力幫忙!
好感激老師出門都仲記掛波波, 開咗FB群組, 等大家都知個大概進度, 其實我真係好多憂慮, 都唔單止係睇唔到, 白內障有太多其他高風險issue!
不過有咁多back up, 我唔再諗其他負面變數, 要來嘅擔心都阻唔到, 無謂一早比自己煎熬, 一於見步行步, 深呼吸唔再搵嚇人嘅資料, 反正我一定唔會遇到😬!
今早波波反應唔錯, 其實每次老師做完治療佢反應都差不多, 係會行動多咗; 今早抱佢出廳食早餐, 食完佢自己行入房, 會識避開網床無碰撞, 好叻仔啊; 有咁好表現應該係集合咗Ka同阿女嘅治療!
希望佢係仍睇到些微影像, 咁對佢活動有極大幫助, 要有信心嘗試先會習慣到生活如常!
不過, 到中午又跌watt, 徘徘徊徊又唔敢踏步囉😓!
琴日同兩隻豬出去, 見佢哋表現好開朗, 波波表情放鬆, 達達都笑咪咪無做抆薑😊!
繼續keep住正念, 一於明日愁來明日當, 今日再出發坐車仔散步, 其實出外散步係有助釋放負能量, 我自己都感覺心情較舒暢!
 |
| 晚飯後阿女再幫波波做治療, 一定會更好! |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
