唔再耿耿於懷, 亦唔再恨自己, 我做嘅一切都祇係想波波好, 要發生嘅意外祇好歸咎於命運!
波波今次喺兩個幾月內由視力無障礙去到睇唔到, 我諗爆頭都祇得一個結論, 就係用咗呢隻降蛋白尿藥導致嘅副作用!
雖然呢個係我嘅猜測, 亦無辦法proved, 醫生亦話唔會有呢D副作用, 藥廠無相關資料, 一切答案縣空; 但事實波波未用藥前係睇到, 以我所知白內障唔會喺咁短時間成熟, 除咗糖尿病會急速影響, 但波波無糖尿病嘅issue!
呢隻藥事實幫到波波改變到蛋白尿, 理論上亦會減低腎臓壓力, 喺保護腎臟呢方面應該有正面作用, 但押上視力注碼太大, 如果早知結果我唔會咁做; 一早知個仔對西藥反應大, 但蛋白尿報告短時間變差, 我又怕再堅持做成腎衰竭無法彌補😭!
不過都只係猜測, 後悔亦無用, 事實已成定局, 亦可能同呢隻西藥無關, 係上天安排波波行呢條路!
即使我仍然對呢隻藥存疑, 喺未搵到其他醫療方案前, 我都唔敢貿貿然將藥停止, 但呢段時間波波活動力少咗, 好攰成日瞓, 我好擔心!
早兩日已經請診所幫忙將病歷fax咗比朋友介紹嘅醫生, 希望醫生會接受, 之前打電話去掛號, 姑娘答覆話唔再接新症, 個心即時下沉; 還好經我請求, 佢願意比醫生睇咗病歷再研究, 我都仲算有個機會去等!
老師, Ka同阿女一直有幫波波灌注能量做治療, 大家咁幫忙我好感恩, 呢兩日波波都可以從廳慢慢行入房, 亦可以避開障礙物; 唔知佢係開始適應, 還是視力有improvement; 不過佢表現時好時壞, 無從猜測, 總之希望有進步, 唔再深究喇!
祝福我嘅波波豬經過呢次磨難, 會茁壯成長意志力變強大, 可以跨渡每個難關!
繼續懷住正念往前行, 無力改變上天安排, 就只有順應命運, 仲努力學習緊, 要盡力, 但唔強求!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
