 |
| 相片連結 |
琴晚帶兩隻豬去睇魚魚, 呢個小型水族館之前夜間無燈光, 黑嗎嗎我唔敢入去; 依家裝上咗燈有光線照住, 我有D興趣帶兩隻豬仔去睇睇; 兩隻豬好集中望住游來游去嘅魚魚, 而波波個頭仔都左右郁來郁去, 光線充足下佢眼仔應該仲係睇到, 好感恩, 好開心, 好安慰!
要加大油好好照顧住, 跟足指引滴眼藥水, 要有信心眼仔情況可以控制住💪💪💪!
琴晚好大風, 無放兩隻豬仔落地, 佢哋體重咁輕真係大風D都吹得起, 都係推住車仔散步, 呼吸吓外間嘅新鮮空氣; 琴晚波波表現超班, 完全無嗰種蓄勢待發嘅張力, 即使有細路喧叫, 佢都表現自然, 完全唔在意感覺佢頗悠然😙!
自從去陳老師度做完靈氣治療, 佢各方面都有改善, 行得好咗, 睇得好咗, 食得都好咗, 呢樣最緊要; 呢兩日每餐個仔都唔使我一啖啖咁餵, 自己肯乖乖咁食完, 我但願佢可以堅持耐D, 咁我就開心過中獎券😂 !
 |
| 見我食嘢有個為食樣, 都好耐無見喇😋! |
真係互相影嚮, 個個都忠告我唔好緊張要作出改變, 但無論我幾努力, 都及唔上見到波波有進步嘅表現, 個仔有改進我情緒就有改善, 可能見佢表現好, 我心情放鬆, 連帶佢都表現輕鬆自然!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
