 |
| 相片連結 |
因為唔想再用血液循環嘅西藥幫達達, 但唔食藥又好怕見到達達手脚抽筋, 為咗唔想副作用咁大, 想用較溫和嘅順勢療法!
抽筋呢樣嘢其實無得搞, 唔好話達達只係縮起手仔定格, 就算係以前叻叻大抽筋, 抽到失晒意識平衡又失禁, 基本上都只係食藥控制唔好發作咁密!
而抽筋係因為乜嘢失衡, 又頗難搵原因, 如果唔係極其嚴重, 或者有明顯病狀, 醫生都只係直接處方防抽筋藥, 好少話動不動叫麻醉照MRI去搵個原因, 始終麻醉都有風險要諗!
過去達達求診, 醫生臨床經驗, 都認為佢腦神經傳導遲緩, 一般係開血液循環藥, 提升佢血氣運行; 而可能佢依家年紀漸大, 氣血不足仲引發起手腳抽筋!
我呢幾隻豬, 對西藥嘅副作用反應都極敏感, 食咗隻血液循環西藥, 又影響咗達達肝功能😥; 所以好心急, 希望早日用順勢療劑呢set blood circulation, 再加上CBD oil 輔助, 可以幫到達達改善到血液運行, 唔好再手脚抽筋啦!
仍然keep住帶兩隻豬去街街, 明顯見到佢哋係開心, 成日睇到有文章講及動物唔在意生命長短, 祇關心實質生活過程感受; 我會朝住呢個方向而行, 珍惜同佢哋共渡嘅每一日, 無謂嘢唔想再多諗, 但願我同兩隻豬相聚嘅日子, 日日都開開心心!
日常照護保養照舊, 依家會加埋按摩達達嘅腳仔, 呢隻豬腦仔退化成日瞓😓, 少咗活動怕佢肌肉萎縮腳仔失去功能; 其實幫佢按摩腳仔都要諗, 一般按摩脊椎係無問題, 佢會乖乖伏低照瞓, 但要佢企定比我按腳仔, 又唔准托住個肚仔, 我好難就力, 終於諗起借助毛巾; 網上見人哋幫狗狗復健學行, 都係用毛巾兜肚仔, 咁做達達就無得坐低兼走人!
睇咗網上P姐姐教點幫腳仔放鬆肌肉, 細狗用 4隻手指承托住打圈咁轉, 達達又無閙鬼喎👍!
 |
| Video |
咗早兩日睇咗呢篇文章, 家中有老友狗狗嘅朋友, 呢篇值得睇睇!
Link: 5 Classic Signs of Canine Aging You Should Never Ignore
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
