2018年4月14日星期六

適合配套 (w/album)

波波適應得越來越好, 鼓勵我不停幫佢做適合嘅配套, 每一日都有新發現可以做得更好, 不停訂購有關物料為佢做保護; 有朋友揶揄我搞到間屋鬼五馬六, 呢度黐嗰度補, 使唔使為佢從新裝修間屋😅?
又無需要大裝修喎, 裝修過個仔唔認得點行仲唔好, 我只係要保護佢唔好撞到, 佢試過撞到都唔痛就有信心邁步, 但求佢可以有正常生活質素!
間屋嘛, 就算點醜樣都好啦, 點都唔重要得過波波避免撞傷先好!

所有牆角位包防撞膠保護, 見佢有嘗試由廳行入房

走廊移開佢個廁所, 佢唔識就地方, 試過腳仔踢到, 依家就咁放尿片仲好; 起碼佢行到附近會肯慢慢搵正確地方VV, 之前一直要等我抱!
一步一步觀察佢需要作適合嘅配套, 方便到佢就好!

再放咗塊膠布墊底,牆身有防撞膠

日常都會推車仔同佢哋出街, 唔同環境可以刺激吓個大腦, 兩隻豬仔出去短短一轉都會攰到離譜, 都唔係坐車唔使用腦㗎; 達達攰就爬低眼仔睩睩兩頭望, 波波凝神靜聽用感覺, 原來精神都好大消耗!

今日星期六, 要洗部私家車, 唔出去行街就同兩隻豬浸微泡浴!

先比達達喺水中漫步, 鍛鍊吓大腿肌肉, 近來佢行得唔好退晒步, 見佢仲有leg cramp, 可能又去返當年一樣有關個腦傳導, 唯有做多D無針針灸, 再按摩隻腳仔, 希望幫到!

希望CBD oil快D到, 睇到Holistic Healing and Wellness 群組評價"BRILLIANT", 我真係好希望達達夾得到!