 |
| http://www.dogsnaturallymagazine.com/reiki-for-dogs-5-techniques-you-can-use-at-home/ |
如果問自然療法有無效用? 好多時無特別情況出現, 見到嘅效果就唔明顯, 而自然療法又咁多類別, 夾到自己嘅都好個別!
不過回望從前, 波波最後一次食肌肉放鬆骨痛嘅西藥, 已經係幾年前, 好感恩keep住保養, 用天然治療, 都順利過渡咗有三年, 希望往後都可以如我所願!
繼續用reiki加上其他天然治療, 微能量針灸筆，紅外缐等等…yeah👍!
由於幾隻豬對西藥反應過大, 如果可以嘅我都prefer用天然治療, 不過總會有時事與願違, 正如波波嘅眼仔發炎同蛋白尿; 已經盡過最大努力, 祇好妥協, 唯有希望副作用唔太大, 比個仔陪多我幾年!
達達近日有多次傾向抽筋嘅表現, 每次見佢面部表情僵化, 身體定格就知又將要病發, 幸運嘅係仲可以用順勢療法, 十幾秒就舒緩返; 可能我反應及時, 趕得及將情況終止, 無機會見到進一步惡化, 亦可能佢未去到severe stage啦!
但要咁分秒留意住都唔係辦法, 壓力太大啦, 萬一有一次疏忽睇唔住, 咁佢就要承受好大傷害嘛; 而且抽筋呢樣嘢真係好得人怕, 見住個身體不停抽動又唔可以制止, 我真係頂唔住啊...
唔想再一次見到同叻叻相同嘅遭遇, 希望控制得及時, 可以用天然方法治療, 都明白呢種情況唔可以根治, 但求避得過用副作用太大嘅藥就可以!
https://www.petmd.com/dog/conditions/neurological/c_dg_seizures_convulsions
又再google上腦, 再加入自然療法嘅群組, 睇睇其他家長有乜嘢方法應付, 希望有成功個案參考, 可以比我學到點去做啦!
已經有一個大概, 亦選定要行嘅路, 不過想再做多D research, 希望瞭解得多D, 會做得較好!
覺得自己已經有進步, 無再擔心到瞓唔到, 不過自從達達有抽筋傾向, 我已經無比佢同波波一齊放床仔度, 每晚都係瞓我旁邊, 有動靜可以第一時間幫到啦😉!
波波嘅情緒都要關顧, 每次邊隻豬有事, 自然集中注意喺嗰度, 不過波波眼仔睇唔到, 好多嘢唔可以靠自己做得到; 有時會發覺佢特別靜落嚟, 就知自己做得唔週到😞!
兩隻豬仔年紀漸老, 照護一定比以前辛苦, 但呢個階段往往係以後最值得回憶嘅段落, 裡面有大家最密切嘅陪伴, 亦係大家最努力付出嘅一段路, 包含甜蜜嘅痛苦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
