 |
| 相片連結 |
每日keep住正能量, 同波波達達出去跑跑, 明顯見到佢哋係兩隻開心豬仔樣!
我自己亦不斷調整心態, 叫自己唔好惶惶終日, 如果注定要遇到嘅, 驚都驚唔嚟; 開始每日做吓運動, 出一身汗沖番個涼做吓調劑!
早前喺FB嘅"護寵心得"群組睇到, 佢話我哋嘅寵物係可以從我哋嘅汗聞到我哋嘅不快, 而呢D不快氣味係有可能直接影響到佢哋嘅健康; 所以自己要保持積極嘅態度, 盡量減壓....仲有,避免佢哋聞到你不快嘅氣味, 有另一方案, 就係經常沖涼, 哈哈😁!
雖然叫自己要正向面對兩隻豬機能老化, 體能衰退身體會越來越差, 但唔代表照顧可以鬆懈!
關於達達會突發出現手脚抽起似麻痺, 除咗訂購咗CBD oil, 仲要諗諗個誘因係乜嘢引起, 最後覺得都係個腦仔最可疑; 想返起之前達達出現過類似symptom, 有去見過醫生, 亦做個靈氣治療去tune個腦仔, 今次應該都似係同一問題喇!
用咗腦退化嘅西藥又影響咗佢個肝仔, 唯有又指向順勢療劑!
琴日又從澳洲訂藥, 睇個描述極吻合達達嘅徵狀, 可能佢真係有過小中風嘅關係, 早兩日我確實見到達達後脚無力, 平衡有D問題; 亦有可能佢係耳水不平衡, 網上資料話呢種症狀一般 72小時就會好轉, 見達達呢兩日又真係精神返; 反正呢組藥可以用作預防與治療, 佢嘅徵狀都應該適合用呢set順勢療劑!
達達一向用順勢療法效果都唔錯, 希望呢set藥都幫到佢啦!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
