已經無亂諗, 亦調整好心態, 相信吸引力法則, 每事從好處期盼; keep住正路咁做, 兩隻豬應該健康可保, 唔會太偏離軌道卦!
但原來順心順意好難, 平靜嘅日子好短暫, 每次將帶出嘅難題settle down, 總要一關接住又一關!
琴晚達達豬又喺熟睡中大嗌, 因為佢瞓喺我身邊, 今次嘅過程我睇到晒; 我見佢嗌咗一聲後就驚醒, 然後就碌低好似再瞓著覺, 其實佢應該係休克狀態, 我拍醒佢後又正常返; 比佢飲啖水, 佢就繼續瞓覺!
可能過去佢曾經咁大嗌一聲, 我跳落床去檢視時, 已經錯過咗最關鍵剎那, 只見到佢好熟咁瞓覺, 但琴晚我好清楚見到佢唔係發夢咁簡單啦!
琴日見到達達仲笑容滿面, 仲諗佢朝住正路行, 比佢嘅幫助click得啱, 點知到夜間會風雲變色, 有咁大麻煩, 健康情況會轉變喺轉瞬之間😞!
咁情況一定要見醫生, 尋求解決辦法, 出咗明顯徵狀要面對喇!
仍然book咗我信任嘅醫生, 呢個我比較安心, 佢比較接受我呢D怪獸家長, 願意同我討論; 約咗星期日見醫生, 睇吓乜情況先再諗對策!
今早達達瞓醒同平時一樣, 無見到特別唔正常, 但呢類器官功能衰退嘅老人病, 都預咗到咁上下年紀此消彼長; 只要有幫到嘅空間, 就算一定要用西藥我都唔會再執著, 年紀老大祇好接受頭痛醫頭腳痛醫腳, 唔通仲諗keep得好佢會有100歲命咩; 副作用問題無得再concerned, 大前題係佢接受到, 舒服又唔辛苦就好!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
