 |
| 相片連結 |
今日為兩隻豬仔煲bone broth, 如果唔係為咗兩個心肝椗, 要我由朝煲到晚又要睇火, 真係咪攪, 為自己就算食咗會飛我都無咁得閒; 不過為咗呢兩隻豬, 又唔捨得佢哋無得飲而偷懶, 可能前世我真係欠佢哋債, 今世一定要還, 仲要還得咁甘心先奇怪!
今次換吓口味, 第一次用鱷魚尾骨加雞腳, 鱷魚骨強筋健骨, 填精益髓, 通和血脉, 希望兩隻豬會鍾意啦, 換吓味道, 又唔使再分開燉鱷魚肉湯嘛; 不過味道同牛尾唔同, 但睇落好白好似奶, 應該好味卦, 希望兩隻揀食豬仔肯比面飲啖😁!
工人姐姐離開咗一個禮拜喇, 係就係好忙, 每日張羅好似要有七手八臂好多嘢玩, 不過又唔覺好辛苦, 仲覺得時間過得幾快, 兩個禮拜後佢就返嚟啦!
可能心情好, 做嘢都變輕快, 一樣可以騰出時間幫兩隻豬做按摩、做針灸筆, 原來我handle得唔錯㗎😜!
原來心懷正念對情緒管理真係有幫助, 真係唔好接觸咁多負能量嘅報導, 除咗令自己情緒低落無嘢可以幫到, 不如睇吓笑話仲好😄!
兩隻豬都好似識配合我, 無麻煩多多, 真係要鍚曬佢哋啊!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
