 |
| 相片連結 |
另一朋友狗狗同樣係胃口差, 睇醫生做化驗又唔覺有咩大問題, 但胃口都係時好時壞, 又低溫又心跳慢, 都係擔心死啦, 搵唔到病因仲麻煩!
近來好多朋友嘅狗狗出事, 好幾位係腰椎腳仔出問題, 大大小小不同病例, 睇到我都好心罨; 望住自己兩隻豬仔, 都多多問題, 不過我唔再負面去睇喇!
已經盡力去幫緊兩隻豬仔, 康復都需要時間空間, 總知無見到更差嘅問題, 就無謂硬要雞蛋裏挑骨出嚟, 係都要搵嘢嚇自己喇; 要相信吸引力法則, 正能量會帶來好運, 再keep 住好好保養, 阿女繼續reiki, 但願兩隻豬可以平靜過下半世🙏!
達達仍然繼續用CBD oil同順勢療劑, 似乎佢都受落新加入嘅呢個組合, 心情都幾靚仔, 希望佢係身體覺得舒服反映出嚟; 波波變化唔大, 但願平平靜靜唔好出新嘅問題!
天氣越來越熱喇, 同兩隻豬出去要小心佢哋氣管仔, 如果平台有風跑一陣無問題, 太熱都唔敢亂嚟, 攪到中暑就作法自斃喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
