達達開始咗食CBD oil已經有10日喇, 不過仍未去到average dosage, 都仲係少量咁逐步加緊; 而用咗順勢療法, 幫助血液循環嘅滴劑都有5日, 呢兩樣補充係新加入, 無見到有不良反應, 但都未見有明顯幫助, 達達手腳仲見有抽筋😞!
 |
| video |
琴日佢又縮起手, 即刻同佢拍低個video, 有需要時可以show比醫生, 佢嘅抽筋好似係血氣唔流通, 唔似一般神志不清嗰種大抽筋咁嚴重, 我直覺佢同人類小腿抽筋嗰種相同, 感覺佢抽時係有痛, 低聲咽咽叫咁強忍疼痛; 希望用呢兩種補給一段時間後, 有補救嘅可能, 希望可以幫到達達唔再痛, 小腿抽筋有幾痛我經驗豐富😂😰, 真係好痛好痛, 達達咁痛好陰功😩!
還好我有順勢leg cramp滴劑, 一滴立馬見效, 佢好快舒緩症狀正常返晒; 暫時觀望啦, 如果進一步變差都係要見醫生, 雖然都未必可以搵出原因😩!
 |
| 怕咗佢突然抽筋, 依家晚晚比佢上大床陪瞓, 務求有痛立刻幫到手! |
雖然新添加呢兩隻補給未見可以幫到抽筋, 但就有個改變好奇怪, 已經有好長一段時間達達唔肯自己飲液體, 無論係湯, 係水, 任何飲品, 我都一定要用針筒餵; 曾經有擔心佢出現液體吞嚥困難, 但用針筒餵入口佢吞嚥又正常啊🤔; 姑勿論佢吞嚥有問題抑或扭計, 佢唔肯飲我都祇好一直餵!
但呢幾日好奇怪, 無論我放低湯或椰青水, 佢竟然自動行埋去, 飲到一滴都無留低, 出乎意料咁乖完全無曳曳😘!
希望係好嘅開始, 唔好心急睇定D慢慢嚟!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
