一星期前帶達達見醫生, 佢開咗比達達一隻補充品, 食一個月後建議我買另一隻supplement, 佢話好適合達達嘅symptom; 本來一個月後先比達達, 唔使訂得咁急, 但返嚟上網搵資料, 覺得醫生好叻, 可以即刻諗到, 達達症狀用呢隻supplement極適合; 睇咗好幾篇說明, 覺得可以同波波都換吓呢隻補充品, 比佢身體吸收唔同養份!
比較呢兩隻豬仔, 達達底子應該比波波差, 從佢有脫毛症就知道喇, 好多不同地方嘅alopicia X群組, 都講到有呢種症狀嘅狗狗, 一般都唔會長壽, 所以達達一有異常情況, 我特別擔心; 況且達達出生後, 有一大段時間唔係生活喺住家, 當然有別於比家人照顧啦, 佢仲試過從高處墮下, 可能有傷及腦仔, 當然呢個祇係我推測; 跟咗我後我已經盡我所能照顧, 好感恩佢都算係生活得開心!
 |
| 每到夏季, 兩隻豬就生長厚毛, 同其他狗狗相反, 真古怪😕 |
波波雖然確診有蛋白尿, 視力又無咗喇, 但佢健康情況暫時都唔太壞, 反而達達有symptom, 又唔知原因我仲心實; 達達整體表現一向都係比波波差, 阿女做reiki時都咁話, 佢話reiki唔可以代替醫藥, 都只可以盡量boost up佢機能, 如果達達本身無呢個潛能, 幫到嘅效力唔大, 反而波波接收得好, 可以較快恢復狀態!
 |
| 波波可能身體好咗,依家唔比阿女掂住做喇, 動物真係會選擇! |
唉, 道理明白晒, 但都要諗辦法, 希望醫生推薦嘅呢隻補充品可以幫到達達, 幫到呢個刁蠻公主繼續脾氣強大, 哈哈, 有更多時間比老公縱壞!
呢隻效力強大嘅補充品(seanol)被視為海中瑰寶, 可以為身體細胞提供自癒能力, 激活腦細胞, 增強血液循環, 仲全無副作用, 我越睇D資料越興奮😝!
不過醫生話每隻補充品都未必適合每個人, 即使表面症狀睇落好吻合, 但都有唔同嘅underlying成因, 所以都要試過先知是否適合; 醫生建議我每隔一段時間幫兩隻豬轉吓各樣supplement, 咁可以避免咗飽和, 唔再吸收到裡面嘅養份!
搵咗少少資料同大家分享, 睇吓你嘅寶貝是否都適合, 但作為家長為毛孩轉換補充品一定要小心, 或者可以請教自己嘅醫生!
我成日都強調家長自己要搵料, 要做足功課, 唔好盡信他人, 每個身體吸收都唔同, 你毛孩嘅健康就靠你為佢把關, 因為有愛先會做得最認真!
https://www.botamedihk.com/seanol
http://ohickwon.wixsite.com/version-2014-ctn/about
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
