 |
| 相片連結 |
繼續為兩隻豬仔用自然療法, 今次用另一種能量治療!
今次運用音义, 阿女曾跟隨老師學習, 佢話呢個我可以掌握, 買咗一個OM音义比我, 呢個較為接近心輪, 叫我幫兩隻豬仔試吓!
從來無諗過音义有治療效果, 以前我工作時, 衹會用作幫patient測試聽力, 原來又係一種自然嘅healing方法; 阿女叫我自己上網搜尋吓, 有好多相關資料, 有科學根據㗎!
我睇咗好多資料, 詳細解釋宇宙萬物都有不同嘅振頻, 對身體有互相影響力, 亦見到有治療師為貓狗做治療, 咁我當然有興趣啦, 可以幫到兩隻豬嘛😊!
我已經對所有嘅自然療法再無抗拒, 一切非入侵性, 對健康有庇益嘅輔助治療, 我已敞開心扉可容納下, 更唔會好似以前咁對呢D治療有反感, 總係自己先入為主, 認定係無稽而盲目反對喇😝!
近來真係好忙, 不過再忙都一定騰出時間照顧兩個豬, 有新嘅方法提昇健康自然要做配對; 阿女叫我試用音义調整佢哋嘅脈輪, 為佢哋嘅細胞做調頻, 利用音义嘅特定振頻, 令到身體嘅穴位同器官產生共振, 有助調整能量失衡!
達達好叻女, 完全諗唔到可以直接將音义放喺佢心輪, 仲完全無抗拒👍; 波波一向都敏感, 加上視力問題, 預計佢一定會緊張, 對新事物稍難面對, 咁我只好做佢背部嘅輪位, 一切順從佢, 做能量治療唔應該被逼, 自然接受先係做得對; 不過兩隻豬有一個共通點, 都唔比音义直接contact頂輪, 咁唯有離開唔接觸住佢哋身體啦!
自己再上Utube取經, 跟吓人哋嘅手勢, 試做多元化唔同方位😆!
搵咗幾條link比大家瞭解吓, 其實上網搜尋實在有太多介紹, 有興趣隨時搵到嚟睇!
越來越認識到更多自然療法, 希望可以對兩隻豬弱勢嘅健康基礎打個底, 做到一D強化作用啦!
http://www.metropop.com.hk/%E6%8C%AF%E9%A0%BB-%E8%81%B2%E4%B9%8B%E7%99%82%E7%99%92
http://blog.xuite.net/hykid.tw/twblog/129258249-%E9%9F%B3%E5%8F%89%E8%88%87%E9%9F%B3%E5%8F%89%E6%B2%BB%E7%99%82
https://www.machuland.com/collections/tuning-forks
https://www.youtube.com/watch?v=pdlgsead8LU
https://www.youtube.com/watch?v=Q_3k16HI5FA&t=42s
https://www.youtube.com/watch?v=0gxy_yoKwKQ
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
