波波仍然吊腳, 一晚之後變差? 會唔會有可能佢喺網床兩頭行又整痛喇? 唯有夜間困籠, 確保佢無太多空間郁動, 日頭喺我監察下, 放上大床鬆一鬆!
已經睇唔到, 仲困住佢好陰功, 心都痛!
有D懷疑波波心理作用, 我幫佢按摩腳仔佢無縮, 唔似初頭想有咬人咁激動, 照理應該無初時咁痛; 每次我抱佢出去開餐佢都單腳, 但放佢落籠, 佢又可以四隻腳踏實, 究竟搞乜東東?
仍然用順勢療劑幫佢消炎止痛, 西藥真係唔想用, 比多D時間等佢康復, 佢無痛到大叫我保持住觀望態度, 畢竟呢個仔一向緊張, 少少事都唔可以放鬆!
今日幫兩隻豬做urine test, 其實算keep得幾好, 但真係唔讚得, 每次讚親梗有後續, 或大或小都要我苦惱😣!
唔敢再讚佢哋好喇, 真係自己都頂唔順自己咁迷信, 好老土😝, 不過自己感覺舒服就好; 達達無嘢報告, 叫公主同大家打個招呼啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
