2018年7月26日星期四

引以為鑑

波波仍然困籠靜養中, 我唔會心軟放佢出來走動, 呢位小朋友唔痛就亂跳亂碰😓!
最近兩個網友狗狗都腳痛, 網友M嘅曲架由床跌咗落地下, 跟住吊腳, 睇醫生話膝蓋腫, 當然食消炎止痛藥, 呢D都係照一般常規去做; 另一網友C就好慘, 佢嘅松松身形細細同達達不相伯仲, 早日想同佢剪指甲, 狗狗掙扎, 跟住突然後腳無力唔行, 即見醫生xray見到髖關節甩咗骹!
依家都係靜養, 兩星期後覆診, 希望有好轉, 唔使做手術啦!

朋友家人都話我太緊張, 但呢D小型狗狗好似布包豆腐, 咁輕輕拉扯吓都會甩骹, 超難照顧; 即使我步步為營, 波波都莫名其妙腳仔受苦, 如果我稍為大意, 意外一定頻繁, 呢D唔係緊張與否嘅問題, 係知道太多我時刻引以為鑑!

一於困籠体息一段時間, 佢無慘叫我無咁心亂啦, 繼續用順勢療劑, 針灸筆紅外缐幫佢, 呢種筋骨扯傷, 康復都需要一段稍長時間!