 |
| 相片連結 |
呢排超忙, 忙到無心情寫blog, 還好兩隻豬仔爭氣, 祇要佢哋身體安康, 就算點忙我都可以透到氣😊!
呢幾日都無時間坐定定, 靜靜比個腦做吓寫嘢嘅組織, 就分享吓同貓貓沖涼嘅經歷, 都有領悟啊!
早幾日阿女又帶兩隻貓豬嚟沖涼, 比佢哋浸吓微泡疏肝疏肝, 兩隻貓貓真係好乖好可愛, 整個浸浴過程超合作!諗返第一次話要同佢哋沖涼, 我有好多顧慮, 首先怕佢哋入屋後會兩頭彈跳, 激嬲我兩隻豬仔; 然後記起睇過, 有美容姐姐比某D貓貓抓到皮開肉綻傷痕累累😱.....
唔係話貓貓曳曳, 但緊張起嚟開爪係本能自衛!
但阿女話自己嚟, 佢嘅貓豬從不開爪, 叫我祇作從旁輔助, 咁當然無所謂, 見識過一次後就知道聽途說切不可為!
兩隻貓貓超乖, 乖過我歷年所養過嘅所有豬仔, 阿女祇需要輕聲安慰, 佢哋就乖乖配合點洗都無所謂!
所有動物品種都有乖有曳, 貓貓狗狗人類都一樣有高有低, 真係唔可以有一枝竹竿打死一船人嘅思維!
 |
| 呢兩隻貓貓都好黐我😁 |
 |
| 相親相愛超可愛貓B |
可能波波達達感應到呢兩隻貓貓性格可親, 肯接受貓B同佢哋一齊坐喎, 最難得無惹嬲個緊張波波, 兩隻豬仔都無吠過; 不過達達公主一貫作風, 要保持距離!
估唔到達達嘅友善度會不如波波, 以前達達同朋友仔見面都會有互動, 但波波就會緊張會躲; 今次波波會主動接觸貓貓, 同以前表現好唔同, 可能都係人夾人緣, 祇可以作呢個推論!
不過達達都無抗拒同貓貓一齊瞓一齊坐, 亦無大聲驅趕嘈吱巴閉, 相處得好平和; 一定係佢哋都sense到呢兩隻貓B性格柔順, 非常願意同貓貓交朋友囉👍😉!
 |
| 相處得好自在喎 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
