潮濕天氣對波波嘅皮膚真係大考驗, 即使我日夜開住空氣淨化同抽濕, 24小時無間斷用兩部機輪流操作, 波波嘅皮膚都出現紅點, 好似係皮膚敏感又好似係黴菌, 還好佢無感覺痕, 如果再落去進化到週身拗我就暈!
一浪接一浪嘅挑戰, 雖然好影響心情, 但呢D唔係嚴重嘅病唔好怨喇, 倒不如積極去搵辦法解決!
當然唔會用西藥去遏止, 服用皮膚類型嘅藥大都傷肝腎, 我當然用最天然嘅產品; 第一要做係浸微泡浴, 再照UV燈殺菌, 然後稀釋蘋果醋噴身!
雖然咁做一定會較用西藥花時間, 但勝在無副作用, 唔想解決咗一個問題又誘發另一個更壞嘅可能!
養呢幾隻豬, 好似經歷重重難關, 心情都時好時壞, 雖然明白身體結構唔會反彈去返young, 年紀越大健康越多麻煩, 但都係會慨嘆, 時間點解過得咁快!
波波嘅腳仔又回復時好時壞, 我都開始接受要復原好難, 但求無影響佢生活作息, 唔會痛痛又可以轉轉轉咁便便就得喇; 呢個仔又麻煩, 見佢轉到跌吓跌吓就想幫吓嘛, 但一扶佢就停咗唔痾, 唯有由得佢跌啦, 但見到佢咁好肉赤啊!
 |
| 照UV燈殺菌 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用。原意只想分享我用過嘅產品, 經驗，我養狗狗嘅心路歷程。希望比各主人作個參考咁啫, 醫療上嘅問題, 請徵詢醫生!但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
