今日收到訂比豬仔嘅羊奶, 呢個牌子香港無得買, 係我加入咗FB "Hope for Canine Kidney Disease (CKD)"嘅群組先知道, 主要係知道佢哋都有比呢隻羊奶腎寶寶, 話適量飲用對腎病其實係好！
其實以前我都有買過羊奶比3隻豬, 不過唔同牌子, 但當時知道豆b有蛋白尿後, 我有D猶豫, 怕對佢個腎唔好, 從此就唔敢再比佢哋飲用!
其實我都好confused, 總係聽到叫腎臟有問題要降低蛋白吸收率, 但身體又極需要蛋白質支持維護, 係咁一味減減減, 係咪咁好?
就算得到一個好靚嘅化驗報告, 腎嘅指數唔高, 但因為減咗蛋白質, 做成身體無晒力, 成日瞓喺度, 咁生存嘅價值仲有無? 要點先平衡到? 點先可以控制適量蛋白吸收, 又照顧到基本生活質素?
我從無忘記之前腎貓媽媽嘅留言, 盡量取個平衡就好, 當然要平衡都唔易辦得到!
唔想乜都話唔比波波食, 但當然都需要做個調整, 自從得知佢有蛋白尿, 呢幾年比佢肉嘅份量, 我係有減少到!
身體係好需要蛋白質去支持, 太缺乏蛋白質就會自我燃燒肌肉, 唔想見到佢後腿肌肉萎縮, 依家關節移位已經行得唔多好, 好怕去到最差會行唔到, 唯有盡量揀選優質蛋白, 減少腎臟勞損程度!
希望波波可以維持到食得開開心心, 活得精精神神, 唔要一刀切將佢鍾意食嘅都say no!
呢個係好個人選擇同做法, 我認為咁對波波比較好, 每個人揀選唔同嘅路, 最緊要認為係適合, 無遺憾就好!
睇咗好多有關羊奶嘅貼文, 羊奶係有益無疑問, 大前題係希望兩隻豬仔都肯飲啦, 口味呢樣真係好個人, 唔鍾意就威迫利誘都係唔會飲, 尤其達達咁嘴刁, 強迫係完全無可能!
下面係我上網搵到羊奶對腎病嘅好處, 不過當然自己要小心, 比乜嘢食物狗狗都要謹慎而行!
Key Benefits
- Shelf-stable, instant goat’s milk is 100% human-grade and made with digestive enzymes and probiotics.
- Pasture-raised, free-ranging goat’s milk is sourced from the Pacific Northwest.
- Can be served alone as a nourishing drink, poured on kibble for added moisture, or used to hydrate Honest Kitchen food.
- Contains 5 billion active probiotic cultures and is ideal for rehabilitation, digestive issues, and general immune support at the gut level for growing puppies and kittens.
- Made in the USA without by-products, preservatives or GMO ingredients.
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
