已經好耐好耐無論盡工人, 以今時今日工人姐姐嘅質素, 呢個姐姐我覺得係執到寶, 自問盡量對佢好!
可惜世事無例外, 第二個約都未完, 就開始一樣一樣麻煩出現!
自從佢開口問我借錢, 又要預支下個月人工先, 我就隱隱覺得跟住會鑊鑊新鮮!
以前從來唔見佢玩手機, 依家就機不離手, 觀察佢嘅表現, 好似有好多嘢在盤算; 每次同佢對話都表情目訥, 好似無咗靈魂一樣, 吩咐佢做任何嘢都出紕漏, 已經實行寫note比佢跟, 都係枉然, 佢永遠都跟從佢自己意願!
每次我指出佢嘅錯漏, 佢就I thought I thought..., 已經白紙黑字比咗guideline, 唔明點解呢種問題以前又唔見!
依家好怕見佢每日嘅表現, 面無表情回應, 好似啪咗丸, 點解D工人可以話變就變?
無論佢係自己有難題未解決, 還是佢有劇本要為我上演, 見佢目光呆滯, 分分秒秒都心不在焉, 我都要開始有個預算!
目前對佢零信任, 唔敢交低兩隻豬出去, 一切已經唔同以前; 今個清明節都未去拜山, 希望天上嘅父母諒解, 呢個唔係我意願!
但願姐姐只係目前自己有事未能解決, 所以影響咗佢嘅表現, 一諗起要再搵新工人又要再開始訓練, 我心情就好似近日嘅天氣, 簡直係烏魂滿天!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
