能量治療好神奇 (w/album)

相片連結

琴日帶咗波波去Ka嘅靈氣老師度做治療, 希望幫到佢! 
老師嘅感覺同整體療法林醫生一樣, 都係覺得波波個心差過個腎, 心需要能量多D!
然後老師仲用佢雙手感應, 好似個scan 機器, feel到波波膀胱有晶體, 應該係唔飲水所致; 其實波波歲幾時照過一次超聲波, 醫生都有講過, 見到有輕微晶體, 但唔嚴重, 同老師講嘅一樣, 要飲多D水就可以!

仍然懸念 (w/video)

豆B依家應該跑得快過從前 :)
Video

呢兩日翻睇豆b以前拍落嘅video, 老公問我係咪好掛住佢!
係!!! 呢兩日特別特別奇怪, 總係忽然間就諗起呢隻豬, 有一刹那間感覺佢好似無離去; 尤其係睇住D片, 聽到佢嘅叫聲, 每一個往時片段都浮現眼前,  但心碎於現實已經唔可以改變!
新年流流唔可以眼淺, 但不自覺眼涙流下滿面...
豆b, 你依家生活係㸃?

自選Bach花藥 (w/video)

收到為達達調較嘅花藥, 配方係我觀察達達得出嘅結論, 未必準確; 當然佢唔識講, 就算識講, 對於情緒上嘅問題, 自己要瞭解都係困難, 不過花藥無副作用, 試吓無壞, 希望咁多個配方中,  會有一、兩個撞啱啦!

呢排覺得佢好多不滿, 成日嘈吵, 仲主動搵波波撩交嗌, 唔知點攪，希望呢個組合會幫到少少啦!

多加枝葉 (w/album)

相片連結

 

呢幾日波波表現唔差, 胃口算OK喇, 唔使我陪喺身邊又氹又餵, 我好感恩啦; 唔知係咪身體開始感應中藥嘅療效, 開始進入好轉狀態?!
西藥對腎功能無咩得攪, 個仔又唔夾, 還好仲有另類療法可以試吓, 都無絕望咁慘, 希望波波可以吸收到中藥嘅精華, 靈氣治療又幫到佢啦!

武林高手 (w/album)

相片連結

年初五, 仲偶爾聽到街外傳來舞獅嘅鑼鼓聲😊!
幾日新年假期完結, 一切回服正常!
雖然我無返工, 但假期仍對我有影響, 事關工人姐姐放假唔喺度, 無咗佢做嘢嘅響聲, 屋企份外寧靜!
年尾忙咗一輪, 正好趁假期好好休息, 呢幾日攬住兩隻豬, 可以好好咁瞓個晏覺, 已經好耐無享受午睡, 我瞓覺需要環境極安靜!
跟住嚟嘅日子又會忙D, 姐姐從加返港, 會出去多D, 又要開始計劃波波嘅療程!

謹賀新年 (w/album)

相片連結

大年初一, 波波達達同大家拜年先, 祝各位哥哥姐姐姨姨叔叔身體健康, 呢樣最緊要, 任何時間嘅祝願, 呢個真係唔可以少, 健康點止係財富咁少, 簡直係一切幸福快樂嘅泉源!

然後, 但願所有唔如意隨住猴年過去, 我哋只希望平安踏實咁過每一日, 一家齊齊整整平靜咁過生活, 希望天從人願!

四方面同步 (w/album)

相片連結

挨年近晚點都比平常忙,  波波仲要氹先肯食, 攪到寫blog都無心情😖!
好多謝咁多位姨姨叔叔咁愛鍚兩隻豬, 早幾日結伴上屋企探佢哋, 事關我呢兩隻豬好難服侍, 好容易緊張到C, 又會發脾氣, 出去gathering唔使預佢哋!
達達好攪笑, 騰來騰去又膺嘴又嗡鼻, 正宗惡豬; 波波反而較平靜, 全程無吠過, 可能喺自己屋企, 唔使上繩可以自由來去, 較relaxed!

整全療法

波波正接受靈氣治療

越嚟越覺得自己同以前好大改變, 以前乜都講科學根據, 無有力數據支持, 我會存疑, 更唔會嘗試!
但養咗呢幾隻豬, 養到我講個服字,  做咗好多未做過嘅嘗試!

盡地一煲

心情極差, 冷靜咗一日將思緒整理, 先可以好好咁講件事!
其實, 唔可以話我全無心理準備, 呢個結果我都預咗可能要面對, 但我無得揀, 迫住去!

自然療法 - essential oil (w/video)

從最簡單嘅精油入手試吓🙂

琴晩見到波波氣喘喘, 心諗明明已經好返無咳啦, 攪乜又咳返😰, 之後見佢行得有D怪, 無吊腳但行到跛吓跛吓, 應該係跑得太快扭親啦, 一定痛到喘氣喇, 呢個仔總係無時比我安樂, 肯定前世我欠咗佢債!
即刻幫佢按摩, 跟住照E-Acu,然後再照紅外缐, 放上床休息唔准再跑, 休息咗一晩後, 今日無事喇!

試用Essencial Oil (w/album)

相片連結

波波脫牙仔已經十日多, 牙肉復原得好好, 食嘢無難度, 當然太硬嘅我都唔會比佢食, 無牙仔老人BB要多D照顧; 插喉後氣管敏感引起嘅咳嗽, 亦已經完全康復, 口腔問題得以完滿解決, 少咗一個大包袱; 今後集中保養腎臟,  睇睇蛋白尿要點攪先好啦!
琴日陽光好好, 出去曬吓太陽散吓步!