 |
| 相片連結 |
琴日帶咗波波去Ka嘅靈氣老師度做治療, 希望幫到佢!
老師嘅感覺同整體療法林醫生一樣, 都係覺得波波個心差過個腎, 心需要能量多D!
然後老師仲用佢雙手感應, 好似個scan 機器, feel到波波膀胱有晶體, 應該係唔飲水所致; 其實波波歲幾時照過一次超聲波, 醫生都有講過, 見到有輕微晶體, 但唔嚴重, 同老師講嘅一樣, 要飲多D水就可以!
 |
| 做完reiki會好瞓D |
兩隻豬都唔肯自己飲水, 咁多年來我一直都用針筒泵水, 其實都做成好大壓力, 超無奈, 又唔可以由得佢哋; 還好keep到問題未到嚴重, 往後要更加留意!
我已經費盡心思, 加味水佢哋都唔鍾意, 單靠飲湯係唔可以取代飲水, 以後就算唔鍾意, 都要泵多D😦!
 |
波波早兩日又有縮起脚仔, 我即比順勢藥佢, 然後唔比佢行要休息, 瞓醒已經無事; 我估應該係近排天氣影響佢血氣, 血液循環差咗引起, 呢兩日要照多幾次紅外線燈暖D 🙂!
下星期要再見老師, 下次主要正骨幫佢調整骨刺!
今次Ka同阿女都有一齊去, 阿女呢排都有做吓research, 覺得能量治療好神奇; 宇宙好奧祕, 太多我哋從未接觸過嘅事, 對能量治療頗有興趣!
我希望佢可以跟老師學習, 更希望佢有呢種本事接收靈氣!
其實多年前我上過一堂入門課, 但我都係我, 對一切無感覺, 可能係我性格急燥嘅結果, 對週邊嘅感覺唔細微; 琴日老師都講, 係要我調整好自己, 先唔會反彈D緊張比波波豬!
以前已經好多朋友咁講, 但改變係唔容易, 江山易改本性難移!
最近林醫生同老師又再提起, 要波波放鬆.....由我做起!!!!
我已經為佢哋付出咁多, 何妨再努力再試, 我無把握單靠自己意智, 唯有借助花藥輔助, 但願會好D; 琴日一返到屋企即刻落order, 希望用後真係會幫到我放鬆D🙏！
奇妙的能量治療:http://biotherapyasia.weebly.com/testimonials.html
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
