 |
| 豆B依家應該跑得快過從前 :) Video |
呢兩日翻睇豆b以前拍落嘅video, 老公問我係咪好掛住佢!
係!!! 呢兩日特別特別奇怪, 總係忽然間就諗起呢隻豬, 有一刹那間感覺佢好似無離去; 尤其係睇住D片, 聽到佢嘅叫聲, 每一個往時片段都浮現眼前, 但心碎於現實已經唔可以改變!
新年流流唔可以眼淺, 但不自覺眼涙流下滿面...
豆b, 你依家生活係㸃?
已經過咗三個半月, 但豆b嘅舉動仍然活靈活現在眼前, 點解之前我唔知, 原來我同佢嘅緣份唔淺; 的確, 點會諗到會同波波親姐姐會面? 更諗唔到第一次相見, 就注定佢對我咁黐纏!
緣份天注定, 雖然少養佢四年, 但佢對我極依戀, 冥冥中主宰引領我認識S媽媽, 天公安排契機比我哋有緣份相見!
上天指派豆b嚟做我乖女, 多謝S媽媽比佢哋兩姐弟團圓; 可惜六年時間太短, 但日積月累嘅感情好難割斷; 即使已經天各一方, 仍然懸念!
 |
| 感恩呢對親生姐弟分開咗都有緣再相聚 Video: The Twins |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
