 |
| 3隻豬仔行完街街, 打道回府 :) |
天氣又悶又熱, 本來唔想同幾隻豬仔出去嘅, 係屋企歎下冷氣, 不知幾好! 不過近來天氣咁差, 成日都落雨, 已經少咗去街喇, 再唔出去一定將幾隻豬仔悶壞!雖然感覺唔好, 好鬼翳焗, 還好都叫做有D風吹住, 都唔算太過辛苦; 唔知係咪因為天氣唔好, 大家都少咗落街, 難得今日無再落雨, 好多狗狗都一齊出動, 今日街上比平時多咗好多狗狗!
我如常同工人姐姐一齊, 推住車仔等佢地分段散步, 總之波波行嘅時侯, 我遠處見有狗狗都回頭走, 費事佢撲撲跳跳, 搵自己麻煩; 輪到達達同豆b, 我就由得佢哋自己選擇, 只要唔係放繩嘅狗狗, 我可以比佢哋交個朋友; 有拖繩真係安全好多, 有事都可以控制得到, 不過達達豬行街要專心一致, 有狗狗埋嚟佢會發晒脾氣, 惡到狗哋都怕咗佢為止; 豆b性格就最為平穩, 永遠唔會出事, 只要唔係惡意挑釁, 佢都好好脾氣; 唔知係咪天氣問題, 佢哋對行街失咗興緻, 行咗一陣隻隻都要上番車仔, 我都熱到好想快D番歸!
 |
| 分段行行, 兩隻留守車仔中! |
 |
| 盡量避免比波波遇到狗狗! |
 |
| 豆b係最懶惰, 行得最短時間! |
 |
| 達達豬一路都行得好開心! |
 |
| 遇到狗狗, 只要唔正面打擾達達都無問題! |
 |
| 呢隻松松太過熱情,激嬲咗個達達公主! |
 |
| 豆b無乜脾氣, 最無所謂! |
番到屋企, 又係時間準備晚餐; 琴日又買咗個紅菜頭, 用嚟自己整沙律, 我切起咗少少, 搾汁比幾隻豬仔享用; 不過唔可以太過濃縮, 一定要稀釋好先可以用, 我今日就加咗少少落佢哋嘅肉餐同乳酪, 幾隻豬鍾意到眼仔都發光, 連達達豬都無再慢咗半拍, 好快舔到碟都反埋!
 |
| 早餐食生嘅菜頭, 顏色有D嚇人! |
 |
| 豆b永遠快咗一步, 同達達相反! |
 |
| 晚餐將紅菜頭煮熟, 加埋薯茸, 再加埋雜菜牛肉, 好好味道! |
 |
| 餐後甜品, "紅菜頭乳酪"! |
 |
| 佢哋九秒九舔完, 碟都反晒! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
