 |
| 相片連結 |
呢幾日天氣都唔好, 不單潮濕, 仲要落雨, 幾隻豬仔自然無得行街街啦, 雖然佢哋唔識講嘢, 但都悶到大隘!
正在無所事事, 就接到A嘅電話, 佢話今日抽到時間, 可以帶佢家兩位小姐, 過嚟同D豬仔玩; 即刻成個精神晒, 雖然喺屋企都無咩好玩, 但我肯定幾隻豬仔都會好興奮喇!
門鐘一晌, 幾隻豬仔反應各異, 達達緊張到反晒白眼, 波波一貫衝前探究, 豆b就興奮到衝埋出門口; 就咁睇佢哋嘅神情動作, 我已經覺得係無上享受!
幾隻豬仔睇嚟都好歡迎朋友仔到訪, 唔知係咪自己地頭, 波波無猛吠猛跳, 而達達都無再守住圍欄門口, 佢並無抗拒朋友仔入去裏面, 睇嚟佢都開始接受有朋友, 豆b就無乜所謂, 只要唔好同佢搶食, 咁一切都無研究!
我同A觀察咗佢哋一陣, 見佢哋都相安無事, 無唔好嘅氣氛, 就由得佢哋自由活動喇!
今日我哋可以各有各玩, A帶埋工具嚟教我做小手功! 呢個唔係新嘅玩意,年前已經通行; 佢教我做羊毛氈公仔, 我覺得算係易學難精, 不過依家唔駛番工, 好多時間, 可以慢慢試吓, 都幾好玩; A笑話呢D好適合我, 可以調整吓我咁急燥嘅性格!
開心嘅時間通常都過得特別快, 又係時候講拜拜, 好期待下次再敘, 到時再玩個痛快!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
