天氣真係好悶熱, 都唔想再喺中午同佢哋出去喇,今日試吓傍晚出去, 要睇下會唔會太多狗狗, 怕咗刺激到波波!
波波先行, 一路都好順利, 無遇到狗狗, 仲有少少涼風吹住, 感覺唔錯; 今日達達豬又比我新嘅驚喜, 佢竟然喺車仔入面好似豆b咁企咗起身, 喺度催我比佢落地, 咁証明佢對外界接受多咗!
自從學咗整羊毛氈公仔, 生活頓時豐富起嚟; 早兩日A帶咗我去買羊毛氈材料, 又學到好多學問; 原來羊毛都分好多類別, 纖維長短唔同, 都有唔同作用; 仲見到有鼻仔同水晶眼仔, 真係眼界大開.
我帶咗制成品比A睇, 佢比咗我一D意見, 佢話波波做得太大, 同達達偏差太多, 礙於骨架關係, 我唯有再重新做過, 不過可能要求高咗, 反而無初學咁得心應手, 總係做完自己都唔肯收貨, 唯有暫時擱置去再整波波!
拎咗隻舊嘅波波出嚟, 將佢左修又補, 用佢嚟改做咗我養嘅第一隻松松- bebe, 佢轉眼已經離開咗我快17年喇, 今次嘗試做多D細節, 做完睇起嚟都算唔錯!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
 |
| 換咗對水晶眼仔, 精靈好多! |
