 |
| 沖完涼嘅達達豬, 毛毛蓬鬆咗! |
決定假期唔再同佢哋出去, 搵唔到解決辦法去調教波波唔撲唔吠, 唯有妥協, 明知唔好都無辦法; 唔出去都一樣咁忙, 依然過咗一個好充實嘅星期日!
今早同佢哋例行梳毛嘅時候, 驚覺達達身上皮膚出現咗幾噠黑色素沉著, 做咗咁多, 點解一D都無好??
再無奈都只可以將療程繼續落去, 只祈望佢身體一切安好, 開開心心咁生活落去, 咁都唔再太費心佢生唔生毛!
今日又係達達豬沖涼嘅日子, 我同佢厚敷咗扶養泥, 效果真係好好, 起碼每次吹好毛後都仲見到有個蓬鬆嘅狀態, 已經係預期中最好!
 |
| 敷泥中嘅達達豬! |
沖好涼比佢哋飲鱷魚肉湯, 將材料用機打勻後, 個賣相真係幾好,眼見班豬仔飲到"雪雪"咁聲, 我諗應該都好好味道!
 |
| 加咗淮山杞子雞軟骨, 打勻後好似芒果奶昔 :) |
 |
| 見到幾隻豬仔笑容滿面,生活得開開心心, 我已經好滿足喇! |
一大清早忙到下午, 先將幾隻豬仔安頓好; 又到咗我嘅娛樂時間, 我想將羊毛氈做得更好; 從新做好咗一隻新嘅波波豬仔, 又將達達再修改好, 我越嚟越覺得好有挑戰, 想做得好真係頗有難度!
 |
| 將一包包羊毛變成我心愛嘅豬仔, 感覺好奇妙啊! |
 |
| 改良後嘅達達豬, 我要留住佢最爆毛時嘅狀態! |
 |
| 從新做過嘅波波仔, 試用咗幾隻羊毛混色做效果! |
 |
| 今次做番佢地體型相若, 波波只係大達達少少! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
