今日工人姐姐放假, 都唔打算帶幾隻豬仔出去喇, 公眾假期一定比平日多狗狗散步, 我無信心可以handle到, 都係留喺屋企算喇!
唔去街嘅另一個 原因, 係迷上咗A嗰日嚟教我嘅羊毛氈手工, 真係一試就會上癮, 眼見做到個制成品出嚟, 真係好鬼開心; 不過呢個玩意要較有耐性, 心急真係唔得, 我好慶幸以我咁心急嘅性格, 都無整到斷針; 不過我唔敢偷懶, 堅持住用一枝針, 咁可能花嘅時間會耐咗, 但就比較容易控制, 唔會篤到手又無咁易整斷枝針!
差不多叫做不眠不休咁努力咗三日, 就見到兩個制成品, 我做咗兩隻心愛嘅豬仔, 係時候要"透"番陣, 因為要修修補補去執到最好,所以仲有D手尾要跟!
A仲send咗D新資料比我, 等我再鑽研一吓, 然後先再開工去做豆豆啦!
為咗補償佢哋無得去街, 今日晚餐整咗西冷牛扒雜菜南瓜茸比佢哋, 仲有超香嘅餐後"甜"品, 香蕉無糖乳酪, 希望佢哋滿意啦 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
