好似有好一段時間無post過湯水篇喇, 煲嚟煲去都大同小異, 琴日經過吉之島見到佢哋pack好咗嘅湯包, 有呢一款配搭, 今日就煲嚟試吓, 我家幾隻豬仔都非常口刁, 唔係款款湯水都受落架, 今次呢款佢哋都好鍾意飲, 好快就飲完!
材料:
紅蘿蔔: 含豐富纖維素及硒元素, 並富含蛋白質, 脂肪, 碳水化合物, 維他命及鈣, 磷, 鐵等礦物質. 可預防血管疾病, 糖尿病, 能控制癌細胞異變, 提升免疫功能. 紅蘿蔔還具平衡血壓, 幫助血液循環, 淨化血液, 促進新陳代謝及強化肝臟機能的功用。
粟米: 含有豐富的糖分、蛋白質、維生素A、維生素B1及B2等營養，這些營養元素對身體的生理活動十分重要。粟米有健脾開胃, 祛濕及利尿的功效,另外，粟米含有豐富的黃體素，可促進眼睛健康和預防高血壓。
青木瓜: 含有大量嘅木瓜酵素，約為成熟木瓜嘅兩倍含量, 活性嘅木瓜酵素可在酸性 、鹼性、中性嘅環境中充份發揮作用，進行分解蛋白質、醣類和脂肪; 其含豐富嘅 β 胡蘿蔔素，維生素 A 嘅前趨物，可轉變為維生素A，對身體嘅健康相當有益。木瓜中所含嘅蛋白質具有高消化性，木瓜脢所釋放氨基酸可幫助分解體內嘅毒素，而且可以幫助強化身體免疫系統。
海底椰乾: 有豐富嘅多糖和身体所需嘅氨基酸. 有滋陰潤肺、除燥清熱功效。
雪耳: 又名銀耳，白木耳。係野生於石上既膠質菌， 佢有活血清熱， 潤肺滋陰， 強心補腦功能。雪耳不僅係著名既營養品，仲對多種腫瘤有抑製作用，係癌症患者既保健食品。清熱降火，滋補脾胃。 雪耳係一種含粗纖維的減肥食品。 營養價值亦好高，包含有蛋白質、脂肪、碳水化合物、鈣、磷、鐵等。
瘦肉: 提供優質蛋白質和必需的脂肪酸, 提供血紅素, 促進鐵的吸收, 能改善缺鐵性貧血。
再加上幾粒蜜棗, 煲個半鐘即成, 都幾好味喎!
