轉眼又兩個星期, 又係達達豬沖涼嘅日子, 同佢進行呢個療程都好一段時間, 今日沖涼嘅時候, 發覺佢皮膚嘅黑色素沉著多咗, 毛毛都薄咗, 去年呢個時候, 佢毛毛都開始復甦喇, 今年就仲係毫無動靜, 仲好似越嚟越差, 因乜解究達達豬D毛囊今年咁懶惰, 休眠咁耐都唔肯瞓醒, 究竟仲要我哋等幾耐? 不過最緊要係唔好毛囊壞死, 咁等吓都無相干 !
還好毛毛呢個問題, 今年似乎唔太困擾佢嘅情緒, 可能我無舊年咁沮喪, 佢無咁大壓力; 事實話比我知, 心急係毫無意義, 做咗要做嘅嘢, 其他都只可以順其自然!
今日整咗南瓜茸, 比3隻豬仔, 仲有少少紅菜頭汁, 都加埋落去, 幾隻豬好快清晒; 見佢哋無病無痛, 胃口咁好, 已經係最大安慰; 過多半個月又係佢哋覆驗甲狀腺素嘅日子, 希望結果都無風無浪, 只要跟住指引比佢哋服藥, 病情可以受到控制, 我好感恩喇!
 |
| 好乖乖見我拎湯出嚟, 即刻坐低! |
 |
| 豆b幾時做咗糾察? 去維持秩序! |
 |
| 今次輪到波波偷步! |
 |
| 達達豬食到咁鬼污糟, 仲喺度偷笑! |
 |
| 不過食到嘴仔幾dirty, 都一樣咁可愛! |
 |
| 知道好好味喇, 好easy嗟, 下次再整過啦! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
