 |
| 為佢哋五個做好咗羊毛氈公仔:) |
又開咗一晚通宵去整羊毛氈公仔, 終於做好去咗彩虹橋嘅樂樂! 之所以犧牲睡眠嚟做, 全因我要絕對集中精神, 仲要一鼓作氣, 稍為分心我會catch唔番; 咁都係我學藝未精, 無正式學過, 其中技巧頗難掌握, 喺個成品未做好之前, 真係想像唔到會係乜嘢樣!
去買咗兩個透明展視盒番嚟, 仲買埋模型草坪佈置場景, 好好咁放好佢哋, 望住幾隻模型公仔, 感覺到有血有汗:)
本來做手工呢種玩意, 係要嚟陶冶性情, 不過我呢種人, 就參透唔到個中滋味, 總係個心喺度趕趕趕!
好多時做咗個成品出嚟, 都係好唔滿意, 總係要左改右改;如果問我會唔會enjoy做呢種手工, 我一定耍手擰頭, 甚至覺得過程頗為痛苦, 但當我睇到做出隻公仔嗰時, 嗰種滿足感又相對地大, 是以又愛又恨, 都要繼續落去, 希望可以一步步去做, 做好過去同依家, 出現喺我生命嘅八隻豬仔!
 |
| 呢3隻豬仔都修改過, 全部將胸前嘅毛剪碎咗! |
 |
| 第三次修正嘅bebe! |
 |
| 現實生活好少去草地玩, 就幫佢哋做呢個佈置啦! |
 |
| 離開咗嘅bebe同樂樂, 幫佢哋佈置番條彩虹橋! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
